Ich Chunrat der Nuzdorfer vnd ich diemvt sein hausvrow, vnd ich Reitz die Chienbergerinne vnd ich Wernhard der Weidervelder vnd ich Hainreich sein pruder, vnd ich Haiderich Techenstainer vnd ich Ofmey sein hausvrow, vnd ich dietrich von Manswerde vnd ich Anne sein Hausvrow vnd ich Alber von Paden vnd ich Margret sein hausvrow vnd ich Hainrich vnd ich Katrei vron Margreten geswistreide, wir verichen - daz wir - gegeben vnd gemacht haben ein iartag all vnsern vodern sein ze trost vnd vnsern seln ze hilf hintz der erbern Pharre zu der heiligenstat, den man alle iar wegen sol des suntages nah sant merteins tage mit drin phunten geltes - Des vorgenanten gutes sol man alle iar geben hintz der egenanten Pharre fumfczich phennige vm fwmf wecke, dem pharrer vier, dem Mesner ainen. Achczich phennige vm zwen emmer weins dem pharrer sieben viertail, dem Mesner ain viertail, ein halb phunt vm ain Rintfleischs, dem mesner zwelif phenninge vm ein praten, funfthalben schilling phennige vm wahs. vnd nah dem iartag sol man mit demselben wahs die Alter weleuhten vnd die heiligen, zwain herren vier vnd zwainczich phennige, dem schuelmaister zwelif phennige, dem mesner vier phennige, daz si die vigili vnd die messe orenleichen wegen. Sechs schillinge phennige vm Almosen armen leuten, vnd Chunraten dem swob fu^er sein mue vnd arbait dem der iartag empholhen ist, gevallen sechczich phennige. - Des geben wir - disen prief - versigelten mit vnsern insigiln. Des sint auh||
gezeuge her Vlrich der schench, her Gervnch, hern choln svn ze nevburch die erberen Ritter, ians von nuzdorf, durinch von meuerlinge, hienz am newsidel eribe der flechshacher, vnd ander erber leut genuech. - Diser prief ist geben ze Nuzdorf - drevzehen hundert iar dar nah in dem achzehenten Jar an des heiligen Chreutstag als iz funden ward.

Source Fulltext: ZEIBIG, Klosterneuburg (=FRA II/10, Wien 1857) S. 161-162