Ich Ololt von Stocherawe vnd ich Margret sein Hausfrowe vnd vnser erben, vnd ich Hans Ymian vnd ich Katrei sein hausfrowe vnd vnser Erben, vnd ich Herman der Schreiber von Wienn, hern Ymians aidem vnd ich Sophei sein hausfrowe vnd vnser erben veriehen - Daz ein Chrieg gewesen ist zwischen vns vnd hern Vlreichen ze den zeiten pharrer ze der Heiligenstat vm ein selgeret vnd geschaefft, daz Jans von Nuzdorf durch seiner sel wiln vnd durch seiner Hausfrowen sel wiln, vrown Gedrauten recht vnd redleich zu der Pharr geschafft vnd gegeben hat, do er ez wol getu^en mocht, do es ein getailtz gu^et was - des wir vns vor erbern lau^etten genuzzent haben, ob wir halt chain recht daran gehabt hieten - Diser sach sind gezeuge die erbern Chorherren her Nyclas der Techant, her Seifrid, her Ortolf der Guster, vnd die erbern Ritter: her Gerunch der Chol, her Christan der Sluzler - - des geb wi\er icvorgenanter Olold von Staherawe vnd ich Jans der Ymian, vnd ich Herman hern Ymians aidem disen briff versigelten mit vnsern Insigeln. Der prief ist geben - Dreuzehen hundert Jar, darnach in dem Vier vnd dreizzigisten Jar an sand Michels tag.

Source Fulltext: ZEIBIG, Klosterneuburg (=FRA II/10, Wien 1857) S. 252