Ich Berchtolt von Pergawe vnd Ich Gedraut, sein haus Vrowe Vnd ich Chunrat von Cheyowe sein Sweher, wir veriehen - daz wir - verchauft haben vnsers rechten aygens dreu phunt geltes vnd vier vnd sechtzzich phenninge geltes, dev da ligent drithalbe phunt geltes vnd dreizzich phenninge geltes ze FO^esenprunne auf drin Lehen vnd auf einer hofstat zwelif phenninge geltes, vnd auf Vberlend an Echt fumf Schillinge geltes, vnd gepu^ert sich ie das phunt geltes vmb zwelif phunt phenninge - Vmb an Ein halb phunt Vmb Vierzich phunt phennige Wienner Muntzze - dem Erbern Gotshaus Vnser Vrowen ze Newenburch Chlosterhalben, vnd den herren Gemain daselbens - Versigelten mit vnsern Isigeln Vnd mit meines Pru^eder Insigel hern Vlriches von Pergawe, zu den zeiten Hofemaister Herzog Albrechtes in O^esterreich vnd in Steyr-Diser prief ist geben ze Wienne - dreuzehenhundert Jar, darnach in dem fumf vnd dreizzigisten Jar des Sunntages ze Mittervasten.

Source Fulltext: ZEIBIG, Klosterneuburg (=FRA II/10, Wien 1857) S. 253-254