Ich Ortolf der Sluzzler ze Newnburch vnd Ich Reycz sein Hausvrowe - wir vergehen - Daz wir vnverschaidenleich gelten suln dem Erbern mann Gundolten dem Tuczen, Pu^erger ze Newnburch - fumf phunt vnd funf schilling phenning Wienner Mu^enzz, der wir sew weren schullen ze Mitter vasten, dev nu^e schierist chumpt, Tuen wir des nicht, Schul wir in laysten hie ze Newnburch in ain erber gasthaus, wo sev vns hin czaigent, vnd da nicht auz chomen, sev werden danne irs guets gewert alz laistens recht ist in der Stat ze Newnburch vnd in dem Land ze Osterreich, vnd dar vber - geb wir disen prief versigel mit meinen Insigel. Der prief ist geben - dreuczehen hundert iar, dar nach in dem vier vnd vierczigistem iar an vnser vrowen tag ze der Liechtmesse.

Source Fulltext: ZEIBIG, Klosterneuburg (=FRA II/10, Wien 1857) S. 299