Ich Herbort von Choleinstorf vnd ich Katrey, sein hausvrowe wir veriehen - Daz wir - haben aufgegeben die aygenschaft an vnserm haus mit dem weingarten, der da zu gehO^ert, daz do leit in der weiten gassen ze na\echst Stephans des Speismaisters haus, daz vns vnd vnser erben an gestorben ist von dem Erbern ritter, hern Dietreichen von Chriczendorf, meinem sweher, dem got genade. Dem ersamen herren Brobst Ru^edwein von Newnburch vnd der Samnung des Conventes vnser vrowen ze Newnburch - vnd geben in dar vber disen prief versigelten mit vnserm Insigel, vnd biten den erbern man Nyclasen den Mansewer vnsern besundern freunt, daz er der sacke gezeug ist mit seinem Insigel. Dicz ist geschehen - dreuzehen hundert Jar in dem vier vnd vierczigistem iar an der heiligen Junchvrowen sant Chvnigunden tag.

Source Fulltext: ZEIBIG, Klosterneuburg (=FRA II/10, Wien 1857) S. 299-300