Ich Pendit, hern Michels witibe dez Chleber von Maurperg, dem got genade, vergich - Daz ich - ledichleich gegeben han meinem Swager Hainrreichen dem Snaeczlein vnd seiner hausvrowen vrown Margreten, meiner Mu^emen vnd im Erben an dem Gelt, daz ich meiner Swester vrown Perchten der vsmaninne, der got genade, schuldich gewesen pin, meins rechten Purchrechts, daz ich ze Purchrecht gehabt han von dem Gotshaus vnser vrown ze Newnburch Chlosterhalben, ain phunt wienner phenning geltes vnd acht vnd zwainczig Chaes geltes, und viertzehen hu^ener vnd zehen Schilling ayr geltes, das alles gelegen ist ze Enczestorf vnder dem Pu^esemperg auf bestiftem gu^et behauster holden, da man auch alle iar von dient dem egenanten Gotshaus vnser vrowen ze Newnburch zwelif wienner phenning ze Purchrecht - Dar vmb so gib ich disen prief - versigilt mit meinem Insigil vnd mit des Edeln herren Insigil Pru^eder Hainreichs Graf von Schawenberch zu^e den zeiten Obrister Mayster Sant Johans Orden ze Mau^erperg - Der prief ist geben ze Wienne - Dreutzehen hundert iar darnach in dem vier vnd viertzigisten iar des naechsten Svntags vor sant Georigen tag.

Source Fulltext: ZEIBIG, Klosterneuburg (=FRA II/10, Wien 1857) S. 300