Wir Albrecht von gots gnaden Herczog ze O^esterreich, ze Steyr vnd ze Chernden tuen chunt mit disem prief vmb den stO^ez vnd chrig, so zwischen vnserm lieben Chapplan Brobst Ruedwein von Newnburch Chlosterhalb vnd seinen Convent an einem tail vnd vnsern Purgern daselbs an dem andern tail gewesen sind von des Spitales wegen ze Newnburch Chlosterhalb, daz si derselben chrieg vnd stO^ezze baidenthalben willichleichen vnd genczleichen hinder vns gegangen sind, also swaz wir dar vber sprechen, daz si daz ze baider seit stet wellen haben. Nu haben wir dar uber gesprochen vnd sprechen mit disem brief des ersten: daz der Probst ainen Chorherren auz dem Convent geben sol‚ der die Ewig Messe verwese, vnd ta\eglichen habe in der Chappelln in dem Spital, Vnd demselben Chorherren sol gevallen auz dem Spital ze pezzerung zu seiner phru^ent zehen phunt geltes, vnd ovch allez daz Oppher, daz da gevallen mag, oder geopphert wird in derselben Chappeln auf dem Alter, daz sol gehO^ern in die Pharr, die da heizzet die Gustrey. Ez sullen ouch alle heilichait, der die Siehen in dem Spital notdu^erftig sind, ez sei Peicht, oder Gots Leichnam, oder daz heilig Ole hinab von dem Chloster geraicht werden. So sol ouch die Messe in derselben Chappelln in dem Spital nur gesprechen werden, wann man zu der Wandlung leuttet, zu der ändern fru^emesse in dem Chloster. Ez sol auch diselb Messe in dem Spital zu den drin obristen Hochzeiten gesungen werden vnd an der Chirich Weichtag, vnd an des heiligen tag, in des eren der alter geweicht wirt. Wer aber, daz der Spitalmeister oder sein hausvraw oder diener oder dienerinn, die in das Lanchovs nicht gehO^erent, stu^erben, Sprechen wir, daz die an Messe werden getragen zu dem Chloster, vnd daz in da ir recht wvrd begangen. Swelich Siech aber in dem Lanchovs stirbet, daz der bei der Messe da inne ste\a, vnd daz man in darnach zu dem Vreythof trage, Vnd in da begrab. Ouch spre\achen wir, daz dieselb Chapelle Chainen Vreythof noch chain Glokhaus haben sol, nur ein chlaines sinegözzel. Vnd daz bei der Chapeln weder erst, noch sibent, noch dreizkist, noch Jartege nicht begangen werden. Ez sul auch die vorgenant Chapell nur mit einen alter vnd mit einer Messe werden gestift, vnd dieselb Messe sol gesprochen werden von ainen Chorherren auz dem Convent alz vor geschriben ist. Vnd ouch, daz dem Cha\erner an Gotsdienst vnd an dem gelt daz von alter dazu geben ist vnd an allen seinem||
rechten furbaz ichtes icht abge\a Von der Ce\ache vnd von dem Spital. Ez sol ouch chain schuel bei dem selben Spital sein, noch furbaz nimmer werden, nur bey dem Chloster, vnd bey der Pharr daz sand Merttein. Wir sprechen ouch, Waz zu dem Vorgenanten Spital Vorgeben ist, vnd waz iezund darzu gehO^ert, daz daz dabey beleib an allen Tayl, Swaz man ouch den Siechen geit durch Got, ez sey prot, Wein, Vleisch, phenning, die man vnder seu taylt, oder waz Chost man in geb, damit man seu trO^esten wolt, oder gewant, oder Petgewant, daz sol ouch an allen tayl beleiben. Vnderwund sich aber der Spitalmeister der phenning, die Vnder die siechen getailt wurden , so sullen si auf dem Tayl ge\an ‚ ouch Sprechen wir, swaz man durch got zu des Spitals powe geit, in dem nachsten dreyn Ja\ern, als der brief geschriben ist, daz daz Vngetailt beleib. Waz man ouch auf daz egenant Spital gebent wirt, ez sey auzzerhalb oder innerhalb der Pharr Von Erb, Aygen, Von beraitschaft, daz vber Sechczig phenning were, davon sol dem Chloster der drittail gevallen, Vnd dem Spital di zuen tayl. Wir sprechen ouch, swaz der Spitalmeister des Spitalsgut wil wandeln mit innenemen, mit auzgeben. Oder mit widerraitten, daz daz geschech mit des Chapplans, der derselben Chappelln Verweser ist, wizzen, vnd daz er ouch dabey sey. Vnd sol ouch der Probst bey der Raytung sein, oder aber der seinen ainen ze derselben raittung schaffen. Vnd sol die Rayttung geschechen ze allen Quatembern. Dar zu sprechen wir, swann die Purger dem Probst geschriben gebent allez, daz enther zu dem Spital gehort vnd||
geben ist, daz in dann der Probst vnd der Convent ein Vrchund daruber geb, daz ez furbaz in dem tail icht gehor. Man sol aber doch davon widerraitten, als Von dem andern gu^et, daz daz Spital angehO^ert. Des geben wir zu Vrchund disen Brief, besigelten mit vnserm Insigel, der geben ist ze Wienn an Eritag Vor sand Marie Magdalene tag. Nach Christs geburd dreuzehen hundert Jar, darnach in dem Vier vnd Vierzkisten Jar.

Source Fulltext: ZEIBIG, Klosterneuburg (=FRA II/10, Wien 1857) S. 301-303