Wir Albrecht von Gotes gnaden Herzog ze O^esterreich, ze Steyr, Vnd ze Kernden Tu^en Chunt mit disem brief Vmb den Chrieg, der zwischen Vnserm Lieben Chaplan, Probst Ru^edwein Vnd Convent von Newnburch Chlosterhalben Vnd den Pu^ergern ze Newnburch Marcht halb von einer Vischwayd wegen gewesen ist, Daz Wir denselben Chrieg also zwischen In verrichtt Vnd beschaiden haben : Swaz durchrunziger Wazzer ist daz die dem Probst Vnd dem Convent sullen angehO^eren, Vnd sullen damit irrn frumen schaffen, Vnd sullin In die Vorgenanten Pu^erger daran chain irrung tu^en. Swaz danne steunder Wazzer ist, di sullen di obgenanten Vnser Pu^erger von Newnburch marchthalb angehoren, Vnd sol in der Probst vnd der Convent Chain irrung daran tu^en. Si sullen in ouch chain irrung tu^en an irn abhangunden Reuschen Auzzen an dem Werde an der Tuenaw, swaz si der da habent. Mit Vrchund ditz briefs geben ze Wienn an Eritag Vor dem Suntag, so man singet Letare. Anno Domini M° CCC° XL Quinto.

Source Fulltext: ZEIBIG, Klosterneuburg (=FRA II/10, Wien 1857) S. 309