In nomine Domini. Amen. Ego Vlricus Canonicus Pataviensis, Decanus et Plebanus Ecclesie Sancti Stephani super Wachraim publice confiteor et protestor ac notum fieri cupio presentibus pariter et futuris, Quod gratia favente divina pro anime mee, ac meorum progenitorum perpetuo et salutari remedio conceptum dudum iu animo meo propositum cupiens efficaciter adimplere, bona deliberacione prehabita heredum meorum, hoc est filiorum Alberti fratris mei ac Gysse mee Sororis pie recordacionis duas vineas in Neunburga contigue se habentes, et in monte, qui dicitur vulgariter Mukcherawerperg situatim juxta Hoflinum jacentes, quarum vna dicitur Tulner, altera vero vinea Nycolay quondam Plebani de Hoflino ex eo, quod ab eodem fuerat comparata, quas de hereditariis ac industrialibus bonis meis comparavi, libere donavi, dedi et tradidi Ecclesie ac Claustro Sancti Andree Apostoli circa Traysmam, quasi in dotem et remedium sempiternum perpetuo possidendas - Ipse eciam dominus Prepositus ac Domini sui Conventus Seniores culturam dictarum vinearum procuratori suo uni de Conventu aut alteri sibi familiari, de quo bona habeatur fiducia, semper comittant. Et post Colleccionem vini idem cultor impensam, quam impendit, de permissione et voluntate bona tam prepositi, quam Conventus tempore oportuno de vino, quod de vineis provenit, singulis annis integraliter ac complete resumere debet, ut eo facilius ad succedentis anni circa premissas||
vineas culturam sufficere possit. De residuis vero fructibus vini, Si qui fuerint, ac cum ipsis vineis dominus Prepositus suus et Conventus studio diligenti, ut cum aliis sui monasterii bonis suum profectum, Comodum et honorem perpetuo liberaliter procurent, faciant, ordinent, ut sibi salubrius ‚ tucius et utilius expedire videatur. Et ut presens scriptum seu donacio supradicta perpetuo majoris robur obtineat firmitatis, ne in posterum ex oblivione, questione vel calumpnia inpugnetur, aut quomodolibet dispendium paciatur, in Testimonium evidens et cautelam dedi presentes litteras, mei Sigilli appensione roboratas. Actum et datum anno Domini M. CCC° XL° quinto, XII. Kalend. Marcii.

Source Fulltext: ZEIBIG, Klosterneuburg (=FRA II/10, Wien 1857) S. 307-308