Ich Ott von Drokkendorf vnd ich Elen sein hausvraw wir veriehen - daz wir verchauft haben - vnsers Lehens, daz wir gehabt haben von dem Gozhaus ze Neunburch achcehen phenning geltes ‚ di do gelegen sint auf einen Paumgarten mit sampt der Mu^el niderbalb des dorfs zu Rokendorf vnd drithalb phenning geltes auf zwain hofsteten doselbes dem Erbern herrn Probst Ruedwein vnd seinem Gotshous zu Neunburch vmb sechzig vnd vmb vier phunt phenning Wienner mu^enz - Dar vber gib ich - disen brief Versigelten mit meinem anhangunden Insigel, vnd mit Vlreichs des Stoyzendorffer, vnd hainreichs seins bru^eder anhangunden Insigeln - Dez sint gezeug: Peter von Drokendorf, Vnd Jans der Stoyzendorfer, vnd Wolphart sein bru^eder, Vnd Mert, der Richter zu Egenburch ‚ vnd Leupolt der Vnger, purger daselbst‚ Vnd erber Leut. Daz ist geschehen - Dreuzehenhundert Jar darnach in dem fumf vnd Vierzigisten Jar dez Mitachs in der Vasten in dem Chotember.

Source Fulltext: ZEIBIG, Klosterneuburg (=FRA II/10, Wien 1857) S. 307