Ich Hainreich von Azenprukk vnd Ich Margret sein Hausvraw\e, vnd Ich Vlreich von Aczenprukk, sein pru^eder vnd ich Elzpet sein hausvraw\e wir vergehen - Daz wir - verchauft vnd gegeben haben vnsers rechten aygens vnsern Tail daz halbe werdel gelegen ze weinzu^erl auf der persnichk - vmb zwelif phunt wienner phenning - Den erbern Geistleichen herren Probst Ortolfen des Chlosters vnser vrown ze Newnburch Chlosterhalben vnd dem Convent gemain des selben Chlosters vnd irn nachchomen. - Dar zu so haben wir in auch ze einem rechten widerwechsel gegeben auch vnsers rechten aygens drew phunt vnd zwainzich phenning wienner mu^enzze geltes gelegen ze Weinczu^erl auf bestiftem gut behawster holden vnd auf vberlend - vnd die zu den zeiten die holden da von dienent alle iar an sand Michels tag die her nach geschriben stent. Des ersten Vlreich vnder dem perg Syben schilling an zwelif phenning, Mert Halbpach syben schilling an zwelif phenning, Chu^enrat der Vischer fumf schilling an zwelif phenning, die Rudlinne acht phenning von einer hofstat, Vlreich des Pairs aidem fvmf phenning von einer hofstat, dev schu^esterinne dreizeben phenning von einem akcher, Chu^enrat der Zechmaister aindlef phenning von einer pewnt, vnd vier Lehen iegleichs newn phenning ze Phingsten. - Da engegen so habent vns die vorgenanten erbern geistleichen herren - auch ze ainem rechten widerwechsel gegeben ir\es rechten aygens, Irn hof gelegen ze ||
Persinkch, da zu den zeiten aufsiczent Chu^enrat der Plankch vnd Thomas wittibe, vnd Ein Lehen mit Grunt mit alle gelegen ze Tawtendorf- Daruber so geben wir in disen brief - versigelten mit vnsern Insigiln, vnd mit vnsers vettern Insigil Erchengers von Azenprukk, vnd mit Jansen Insigil des Schenkchen von Dobra. - Der brief ist geben ze Wienne - Drewzehen hundert Jar, darnach in dem Syben vnd fu^emfczigisten iar an sand Nichlas tage.

Source Fulltext: ZEIBIG, Klosterneuburg (=FRA II/10, Wien 1857) S. 382