Ich Hainreich von Atzenprukke vnd Ich Margret, sein Hausvrow\e, vnd Ich Vlreich von Atzenprukke vnd Ich Elzpet sein hausvrow\e Wir vergehen - daz wir - verchauft haben vnsers rechten aygens vnsers halbs dorfgerichte ze Weinczu^erl gelegen bey Azenprukke vnd vnser Manschaft Verlehents gu^ets zwai ganzew lehen, gelegen daselbens ze Weinzu^erl, di Jans der Sicherpekch von vns ze lehen gehabt hat, vnd ein hofstat da selbens , die Fridreich von vns ze lehen gehabt hat. Daz vorgenant gut - haben wir recht vnd redleich verchauft - vmb acht vnd dreizzich phunt Wienner phenning - den erbern gaistleichen herren Probst Ortolfen des Chlosters vnser Vrow\en ze Newnburch Chlosterhalben, vnd dem Convent gemain daselbens - Daruber so geben wir - disen brief versigilten mit vnsern Insigiln vnd mit vnser Vettern Insigiln, hern Fridreichs vnd Erckhenbert von Azenbrukke. Der brief ist geben ze Wienne - drewzehenbundert iar, darnach in dem Syben vnd fumfzgisten Jar, des na\echsten Eritags vor sand Kathreyn tag.

Source Fulltext: ZEIBIG, Klosterneuburg (=FRA II/10, Wien 1857) S. 381