Ich Fridreich der mu^elner ze Enczesdorf vnd Ich Margret, sein hausvrow vnd vnser erben wir veriehen - Daz wir verchauft haben ain phunt wienner phenning geltes Purchrechtes auf vnserm halben lehen ze Enczesdorf - leit ze na\echst Vlreich Seidleins svn, do man alle iar von dient fvmf vnd dreizzich phenning an sand Michels tag vnd weiset, als ez mit alter her chomen ist dem Gotshaus vnser vrown ze Newnburch Chlosterhalben - vmb Nevn phvnt phenning - dem erbern herren hern Pilgreimen dem wu^erfel, zu den zeiten chorherre vnd Obrister Chelner dez vorgenanten Gotshaus - vnd ist herchomen von Stephan dem Seligshentlein der ez dem oftgenanten Gotshaus geben hat, vnd ist gelegen auf einem weingarten ze Othacherinn in dem Haunolczprun‚ vnd hat auch daz selb phunt geltes abgechauft Jans der Luchner, vnd haben wir die phenning genomen auf vnser halbes lehen (das Übrige wie in der vorhergehenden Urkunde). - Vnd wand Ich vorgenanter Fridreich der mu^elner, noch vnser amptman Jacob der mayer nicht aigens Insigel haben, vnd auch der vorgenant her Pilgreim der wu^erfel vnser obrister amptman gegen im selben vmb chauf recht nicht versigeln mag‚ so geben wir im den brief - versigelten mit dez erbern herren Insigel, hern Chunrats zu den zeiten pharrer dacz Enczesdorf - vnd auch mit dez Erbern mans Insigel Hertleins dez wimer ze Enczestorf- Der brief ist geben - Dreuczehen hunder iar vnd in dem Acht vnd fvmfczigistem iar an sand Niclos tag.

Source Fulltext: ZEIBIG, Klosterneuburg (=FRA II/10, Wien 1857) S. 387