Ich Mert der ChnO^edel ze Nusdorf vnd alle mein erben wir veriehen - Daz ich - mit vnsers vndern Perchmaister hant Niclosen des Hymizzel ze Nussdorf verchauft haben ain phunt wienner phenning geltes Purchrechtes auf vnsern virtail weingarten gelegen an dem Sweinsperg ze na\echst dez Pharrer weingarten von Lebarn, do man alle iar von dienet dem Gotshaus vnser vrown ze Newnburch ein halbe Emmer ze Perchrecht, vnd ain helbling ze voytrecht - vmb nevn phunt wienner phenning dem erbern herren, hern Pilgreim dem wuerffel, chorherr vnd chelner des selben Gotshaus, der es auch dem Gotshaus gechauft hat, vnd ist emaln gelegen auf zwain lehen ze Sa\eserndorf in dem ampt ze Pirbovm, vnd hat daz selb phunt geltes ab gechaufft der lochler, vnd haben wir dieselben phenning genommen auf vnser virtail weingarten in dem Sweinsperg, Also daz wir - daz selb phunt geltes auf die Obern Chamer in daz Chelnampt zu zwain zeiten in dem iar, ain halbes phunt an sant Jorgentag, vnd ain halbes phunt an sant Merten tag dienen sullen - Wir haben auch vrei wal - daz selb phunt phenning geltes abzechauffen auf ein andere erib, daz wol zwainczich phunt wert sei - vnd wand ich Mert noch mein vnder Perchmaister Niclo der Hymizzel nicht aigens Insigels haben, so verpint wir vns vnder dez erbern herren Insigel‚ hern Marcharts zu den zeiten Pharrer dacz der heiligenstat - wand auch vnser Obrister Perher, her Pilgreim der wurfel vmb chaufrecht gegen im selben nich versigeln mach, vnd auch mit des erbern manns Insigel Gerunges dez Goldner dacz nuzdorf - Der brief ist geben nach Christes gepurt Dreuzehen hvndert Jar dar nach in dem a\echt vnd fumfzigistem Jar an sant Niclos tag.

Source Fulltext: ZEIBIG, Klosterneuburg (=FRA II/10, Wien 1857) S. 386-387