Wir Rudolf von Gottes genaden Hertzog ze O^esterreich, ze Steyr, vnd ze Kernden Tun chunt, Als dem Gotshaus von Newnburch vor vnserm getrewen Wisenten auf dem Anger zu Newmburg Chlosterhalb, do er an dem Rechten in dem Perchtayding saz, etleich weingarten fur perchrecht vnd voytrecht, Daz in dem zehenden Jar versezzen waz‚ ze reis gesagt sind, Daz wir wollen, Daz ez dabei beleib, vnd sein auch dez egenanten Gotshaus scherm vber die vorgenanten weingarten in aller weis, als des vorgenanten Wisenten auf dem Anger brief sait, den er darumb gegeben hat Mit vrchund ditz briefs. Geben ze Wienn an dem Sumtag so man singet Letare - dreutzehen hundert iar. Darnach in dem Newn vnd fumfczkisten Jar.

Source Fulltext: ZEIBIG, Klosterneuburg (=FRA II/10, Wien 1857) S. 388