Ich Vlreich der Herczog von Enczesdorf vnd Ich Agnes sein hausvraw - wir veriehen - Daz wir - verchauft haben zway phunt geltes Purchrechtes auf vnserm haus vnd hof ze Enczesdorf - leit ze na\echst Stephan dem Hasen, do man von dient dem Gotshaus ze Newnburch Chlosterhalben Sechtzig wienner phenning an sand Michels tag ze Gruntrecht vnd weizat als mit alter her chomen ist - vmb sechczehen phunt wienner phenning - Dem erbern herren, hern Pilgreim dem wu^erfel zu den zeiten chorherr vnd obrister Chelner des egenanten Gotshaus - vnd sind herchomen vnd abgelozt ab des Suchler hof ze Sezerndorf (das übrige wie in den Urkunden N. 395 und 396). Vnd wand wir nicht aigen Insigel haben‚ nach auch vnser Dorf amptman Jacob der Mayer vnd auch der vorgenant her Pilgreim, vnser Obrister amptman gegen im selben vnd vmb chaufrecht nicht versigeln mag, So hab wir gepeten den erbern herren, hern Chunraten vnsern pharrer ze Enczesdorf - vnd den Erbern man Micheln an dem Newnsidel - Diser brief ist geben - dreuczehen hvndert iar vnd in dem Newn vnd fvmfczigisten Jar vierczehen tag nach Ostern.

Source Fulltext: ZEIBIG, Klosterneuburg (=FRA II/10, Wien 1857) S. 388-389