Wir Ortolf von Gotes Genaden Probst des Goteshaus vnser Vrowen ze Neunburch Chlosterhalben Veriehen - daz wi\er mit gu^eten willen vnd gunst hern Nyclos, zu den zeiten Techant vnd der Samnunge gemain vnsers Convents - geben haben in vnser Chorherren Oblay Vnser Perchrecht vnd daz holz dar zu - gelegen in den neu^en Reu^ett - hern Jansen dem Volkestorffer vnserm bruder, Chunraten dem Tanpruker vnd Dyetreichen, vnserm Phistermaister, den allen Got genade, dew daz egenant Perchrecht vnd holz mit wurzen vnd mit grunt, vnd waz darzue gehO^ert, vnd daz sew mit ir\em aygen gut der Probstey widerlaeet habent also, daz vnser Convent bruder der Chorherren gemain daz selbe Perchrecht vnd holz mit wurzen vnd mit grunt, vnd waz darzue gehO^ert in dem Newn Reu^ett, alz ez gestaint vnd geraint ist, in irr Oblay fu^erbaz ledichleichen vnd Vreyleichen haben schullen - Vnd schullen auch wir Probst Ortolf, oder swer fu^erbaz brobst ist, nach vns chu^enftich wi\ert, vnser Convent Bru^eder der Chorherren Oblay an dem oftgenanten Perchrecht - vnd an dem holz - dhain gewalt vnd irrunge daran tuen. Daz lu^eben wir ze laisten vnd ste\et ze halten mit vnsern guten treun an aydes stat vnd an allez gevaer - Dar vber - geben wir - disen brief versigilten mit Vnserm Insigil vnd mit vnsers Convenz anhangunden Insigil. Der brief ist gegeben - dreuzehenhundert Jar, darnach in dem Nevn vnd fu^emfzigisten Jar an Vrowen abent, als si geporn wart.

Source Fulltext: ZEIBIG, Klosterneuburg (=FRA II/10, Wien 1857) S. 389