Innocentius episcopus servus servorum Dei. Universis Christi fidelibus presentes litteras inspecturis salutem et apostolicam benedictionem. Splendor paterne glorie, qui sua mundum illuminat ineffabili claritate, pia vota fidelium de Clementissima ipsius majestate sperancium tunc precipue benigno favore prosequitur, cum devota ipsorum humilitas sanctorum precibus et meritis adiuvatur. Cupientes igitur, ut Capella in honorem sanctorum Bartholomei Apostoli, Sebastiani Martins et Jeronimi Confessoris et sancte Agnetis Virginia in ecclesia Monasterii Nuenburgensis ord. s. Aug. Patav. Dioc. constructa congruis honoribus frequentetur, et ut ipsi fideles eo libencius causa devocionis ad eandem accedant, quo ibidem uberius dono celestis gratie conspexerint se refectos, de omnipotentis Dei misericordia et beatorum Petri et Pauli Apostolorum eius auctoritate confis omnibus vere penitentibus et confessis, qui in dictorum sanctorum,sancti Bartholomei, sancti Sebastiani, sancti Jeronimi et sancte Agnetis festivitatibus prefatam Capellam devote visitaverint, annuatim vnum Annum et Quadraginta dies de iniunctis sibi penitentiis, singulis videlicet ipsarum festivitatum diebus, quibus Capellam ipsam visitaverint, ut prefertur, misericorditer relaxamus. Datum Avinione II. Kl. Maji Pontificatus nostri Anno Octavo. Jo. Bellitius. R. de Val. Petrus Luthomieslensis R.

Source Fulltext: ZEIBIG, Klosterneuburg (=FRA II/10, Wien 1857) S. 395-396