In Xsti nomine. Amen. Anno nativitatis eiusdem Millesimo Trecentesimo Septuagesimo quinto, die 5 mensis Decembris Hora quasi vesporum Ind. XIII Pontificatus Sanctissimi in Xsto patris et dni nostri domini Gregor, divina providencia pape XImi Anno Quinto coram Venerabili in Xsto patre ac domino dno Cholomanno preposito Newnburg. Can. Reg, Ord. s. Aug. Patav. dioc. In mei notarii publici testiumque subscriptorum ad hoc specialiter vocatorum et rogatorum presencia constituti discreti viri Ludwicus de haunsperg et Stephanus dictus Getzendorfer. Clerici dicte Patav. dioc. Qui quidem clerici iamdicti dno Cholomanno preposito supradicto humiliter et cum instancia supplicarunt, quia inter ipsos, videlicet Ludovicum et Stephanum antedictos lis et questio moveretur de altari s. Agnetis sev Cappella in ambitu Mon. Newnb. antedicti situato, quod vel quam dictus Ludovicus virtute gracie sibi per dominum papam supradictum in forma pauperum ad collacionem vel presentacionem eiusdem domini prepositi facte cum ista clausula, si sibi virtute eiusdem gracie de iure deberetur, prout in Instrumento eiusdem accepcionis clarius apparet alias acceptavit, et quia publice a pluribus fide dignis dicerentur et publica vox de hoc esset et fama, quod ipsum Altare sev Cappella s.Agnetis supradictum tale beneficium non esset, quod cadere posset sub gracia apostolica supradicta ac eciam taliter esset, per dominum . . Officialem Curie Pataviensis Subexecutorem gracie predicte Iudicialiter declaratum, quatenus ad certitudinem pleniorem ipsos de ipso Altari sev Capella clarius informaret. Qui quidem dominus prepositus antedictus vice et nomine prestiti iuramenti dixit publice protestando quod dictum Altare sev Cappella sancte Agnetis nunquam vacasset nec adhuc vacaret, ymo et neque beneficium ecclesiasticum esset ex eo et pro eo, quia aliquis prepositus ecclesie Newnburgensis, sev prepositi, qui pro tempore fuerint, ipsum Altare sev Cappellam sancte Agnetis a primevo sue fundacionis nunquam alicui homini sev persone spirituali vel seculari contulisset vel contulissent, neque providissent, ymo et neque ad ipsam instituissent vel presentassent, quia tantum beneficium esset manuale et elemosina simplex, et quia tam ipse quam sui predecessores videlicet prepositi antedicti consweverunt ipsum Altare sev Cappellam cum ipsius pertinenciis aliquando vni de suis Canonicis, aliquando vero presbitero seculari ad placitum ipsorum et cuiuslibet eorundem committere ad regendum, et quod habuerunt et quod adhuc habeat facultatem et liberam potestatem, rectorem ipsius Altaris sev rectores deponendi sev destituendi, eciam quod possit ex ipsa Cappella facere Lavatorium ad ipsius Mon. utilitatem, si et quando placuerit, dictamque declaracionem fore et esse iustam, occasione premissorum. Eciam subiungendo dixit, quod eidem Stephano aliquod impedimentum in acceptando beneficium ecclesiasticum virtute gracie apostolice sibi facte inferre non intenderet neque vellet. Super quibus omnibus et singulis premissis Ludewicus et Stephanus supradicti sibi per me Notarium publicum subscriptum vnum vel plura pecierunt publica confici Instrumenta omnium presencium testimonium invocando. Acta sunt hec in Newnburga antedicta in Estuario domini prepositi supradicti Anno, mense, die, hora, Indiccione et Pontificatu quibus supra presentibus Honorabilibus viris dno Christanno dicto Lienvelder Cappellano dni prepositi antedicti, atque professo Monasterii supra dicti, Johanne plebano in HO^eflein et dno Stephano dicto Teusl presb. dicte Patav. dioc. testibus ad premissa vocatis pariter et rogatis. Et ego Nicolaus, olim Chunradi de Isenaco, Clericus Mogunt. etc.

Source Fulltext: ZEIBIG, Klosterneuburg (=FRA II/10, Wien 1857) S. 464-466