Wir Niclas von gots genaden Abt vnd der Convent gemain des Gotshawses ze Garsten vergechen - Das wir - verchaufft haben vnsern weingarten, des ain virtail ains Jeuchs ist, vnd der do leit ze Newnburkch klosterhalben vnder der langengassen In den dechlern ze nechst vlreichs, des alten Spitalmaister weingarten, vnd do man von dem egenanten vnserm virtail weingarten Alle iar dient dem Gotzhaws vnser lieben frawn ze Newnburkch drew virtail weins ze perkrecht vnd drey helbling ze voitrecht - vmb fvmfczehn phunt wienner phenning - dem egenanten Vlreichen, dem alten Spitalmaister da selbs ze Newenburkch - vnd sein auch wir des egenanten weingarten des vorgenanten Vlreichs des alten Spitalmaister, der den selben weingarten witiber weis vmb sein aigenhaft ledigs guet gechauft hat - Recht gewern vnd scherm - Darumb sv geben wir In den brieff - versigelt mit vnserer, Abt Niclaz vnd vnsers Convents baiden anhangunden Insigeln, vnd mit vnsers Pergmaister insigel Vlreichs von Rust - Der brieff ist geben - drewzehn hundert Jar darnach in den sechs vnd sybenczigistem iare an vnser frawn tag ze den liecht messen.

Source Fulltext: ZEIBIG, Klosterneuburg (=FRA II/10, Wien 1857) S. 466