Ich Hainreich der Teufel vergich - Daz ich - geschafft hab alles mein gescheft, als ich es wil, daz es nach meinen tod ganczleich stet sei vnd dabei beleib an alle widerrede. Des ersten so hab ich geschaft meiner Mumen Junchfrowen Elspeten Fridreichs des Teufel enichel ain Rachen weingarten in der Eben vor der Weid-nichleitten ze nachst der zech weingarten am Newsidel - den gruntdinst sol si davon raichen vnser vrowen gotshaus - Ouch hab ich geschaft meiner Mumen Katrein, der ob genanten Elspeten muter ze irn lebtage ain viertail weingarten gelegen an den Eren ze nachst der herren weingarten von chremsmu^enster - vnd nach irm tod sol man dar auf stiften vnd chauffen zway phunt phennig geltes zu einem ewigen liecht zu vnser vrowen altar in der schönen Chappeln daselbs ze Neunburch, das furbas ewichleich dapei prinnen vnd lewchten sol tag vnd nacht - Darumb so gib ich den prief - versigelten mit der egenanten weingarten amptman insigeln hern Wisents auf dem anger, des Alten Slu^ezzler svn - vnd Chunrats des Grasmuggler - darzu hab ich gepeten die erbern lewt, Fridreichen den zistel vnd Jansen den Hofer - Der brief ist geben - drevzehen hundert iar darnach in dem Achczigisten iar des Svntags vor Vaschang.

Source Fulltext: ZEIBIG, Klosterneuburg (=FRA II/28, Wien 1868) S. 5