Nos Branchinus dei gracia Episcopus Pergamensis aplie. sedis nuncius ad infra scripta per sanctissimum in Christo patrem et dnum. nostrum dnum. Vrbanum divina providencia papam VI. in nonnullis partibus Alamannie specialiter deputatus tenore presencium deducimus et publice confitemur, habuisse et realiter recepisse a vener, viris dnis. preposito et conventu monast. beate Marie Newnburgens. ord. Can. Reg. s. Aug. Patav. dyoc. quinque florenos auri cum dimidio in diminucionem majoris summe XIIII^or. flor. auri de XI annis preteritis videlicet incipiendo ab anno dni. MCCCLXXI. et die XVI. augusti et finiendo anno dni. M°CCCLXXXII. et die XVI. mensis augusti debitorum occasione vnius bisancii, in quo monasterium predictum singulis annis in signum exempcionis obligatum existit, qui bisancius secundum registra camere apostolice valet XIII grossos antiquos et decem grossi antiqui faciunt vnum florenum, et sic defalcatis dictis quinque florenis cum dimidio adhuc dictum monasterium de dictis XI annis remanet obligatum in octo florenis et octo grossis. De quibus quidem quinque florenis auri cum dimidio sic nobis solutis ipsum dominum prepositum, eius monasterium, successores, heredes et bona quitamus, liberamus et absolvimus ac quitum et quitos pronunciamus et declaramus. In quorum testimonium presentes literas quitacionis fieri fecimus et nostri sigilli iussimus appensione muniri. Datum Ratispone anno dni. M°CCC° LXXXII. ind. quinta, die XV marcii, Pontificatus sanctissimi in Christo patris et dni. nostri dni. Vrbani pape VI. anno quarto. Johannes Symonis not.

Source Fulltext: ZEIBIG, Klosterneuburg (=FRA II/28, Wien 1868) S. 17