Johannes dei gracia Epu^~s. Patav. Vniversis sancte matris ecclesie fîliis, ad quos presentes litere pervenerint, salutem in domino sempiternam. Pie credimus agere et eterne retribucionis non carere premio, quociens Christi fideles ad debiti famulatus honorem Deo sanctisque eius humiliter impendendum ac pietatis opera zelumque devocionis donis et muneribus spiritualibus salubriter invitamus. Cum itaque in Cimiterio Monasterii beate Marie virginis in Newnburga Claustrali nostre diocesis quedam lucerna in lapidea sit erecta statua, in qua vivifice crucis, nec non quorundam Sanctorum beate recondite dinoscuntur reliquie, a christiano populo devocius venerande, Nos omnibus vere penitentibus et confessis, qui celesti domino, qui in Sanctis suis ore prophetico laudari iubetur, in veneracione dictarum beatarum reliquiarum tria pater noster et totidem ave maria flexis genibus coram dicta lucerna seu statua devote orantes dixerint, de omnipotentis dei misericordia et beatorum Petri et Pauli apostolorum eius confisi suffragiis quadraginta dies indulgenciarum misericorditer in dno. elargimur. In cuius rei testimonium et perpetuam memoriam presentes damus literas sigilli nostri munimine roboratas. Datum in Opido nostro ad Sanctum ypolitum die secunda mensis Decembris Anno dni. Millesimo Trecentesimo Octuagesimo quarto.

Source Fulltext: ZEIBIG, Klosterneuburg (=FRA II/28, Wien 1868) S. 26