Ich Hanns Stengl vnd ich Kathrey sein hawsfraw vergehen - das wir - mit vnsers perigmaister hant des erbern manns Symon Sindrams, die zeit pergmaister des edln herren, hern Eberharts von Cappel verkaufft haben ain viertail weingarten leit im Eysengraben zu nachst hern Steffans weingarten des tawsel, do man alle iar von dient dem egenanten herrn von Chappel drithalb virtail weins ze pergkrecht, vnd drey helbling ze Voytrecht - des mir - geschafft hat Niclaz Andres diener von czainkraben ¹), Als ich das mit erbern priestern vnd andern Erbern leuten vor dem pergmaister ze rechter zeit geweist han - vmb Sechczehen phunt wienner phenning - dem vorgenanten hern Steffann dem Tawsel, dem kappellan Sand Angnesen Chappellen vnd seinen nachkomen capellanen - vnd geben in dar vber den brieff - versigilten mit vnserm insigel, vnd mit des egenanten pergmaister insigel, Symon Sindrams die zeit Stat richter ze newnburgk klosterhalben - Der brief ist geben - drewczehn hundert Jar darnach in dem fumf vnd Achtzigistem Jare an Sand Gregory tag in der vastenn.

Source Fulltext: ZEIBIG, Klosterneuburg (=FRA II/28, Wien 1868) S. 26-27