Ich Jans von Rorbach vnd ich Kathrey, sein hausfraw vnd vnser erben, Veriehen - Daz wir - verchauft haben vnser wiz, haist daz Clewisel vnd leit im Rorbach oberthalben der co^etlin wiz, vnd zu nachst dez gots haus wisen vnser vrawn ze Newnburg - vmb sechs phunt wienner phennig - dem erwirdigen, vnserm genedigen herrn hern Cholman Probst vnser vrown gotshaus zu Newnburg chlosterhalben - Auch ist zu merkchen vmb die vir tagwerch wismad do der guldein prunn in ist, di da leit im Rorbach zu paider seit den wisen vnser vrawn gotshaws zu Newnburg chlosterhalben vnd di der egenant vnser genediger herre - gechaufft hat - von den Liechtenekern - vnd do ich - recht vnd ansprach daran haben gehabt, wann wir der lang zeit an nutz vnd an gewer sein gesezzen, Derselben aller vnser rechten vnd ansprach haben wir vns fu^erzicht tun vnd verzeichen mit dem prief - geb ich - den prief versigelt mit meim aigen Insigel, darczu han ich gepeten den erbern man Chunraten den Daxenpekchen zu Eystarf, daz er der sach gezeug sei mit seim Insigel - Der prief ist geben an dem Sunbent abent - drewzehen hundert Jar, darnach in dem funf vnd achczigisten Jar.

Source Fulltext: ZEIBIG, Klosterneuburg (=FRA II/28, Wien 1868) S. 32-33