Ich pru^eder Thoman, di zeit schaffer in der chorherrn spital zu Newnburg chlosterhalben vergich - daz ich an des spital stat vnd nach rat vnd gehaizz meins gna^edigen herrn Probst Cholmans - verchauft han ain paumgarten, den ich dem spital behapt han fur sein versezzen gruntrechte, der do leit im Awer zunachst Dietreichs Daneyrs weingarten, do man all iar von dient in der chorherrn spital zu Newnburg Sechczig wienner phenning zu gruntdienst - vmb zwelif phunt wienner phennig - dem erbern Chorherren hern Hadmar dem Matseer, die zeit Siechmaister vnser vrawen gotzhaus ze Newnburg, der den dem Siechampt gechauft hat - wann der egenant phennig zehen phunt geben hat der Erwirdig her Probst Cholman ¹) - in daz egenant Siechampt zu der Octaf Gotzleichnam, die er gestift hat, fur ain phunt gelts, do man all iar cherzen liecht sol machen zu der Octaf - Auch ist zu merkchen, daz ich pruder Thoman an dez spital stat han in geben dem egenanten Siechampt ain ganczen versigelten pehabbrief, der sagt, daz ich an des spital stat den egenanten Paumgarten pehabt hab fu^er dez spital versezzen gruntrecht - Vnd dez zu vrchund der sach, wann ich pru^eder Thoman nicht aigen insigel han, So gib ich an dez spital stat dem egenanten Siechampt den prief versigelt mit dez erwern chorherrn insigel hern Petreins des Lenhofer, die zeit Obrister Chelner vnser vrawn goczhaus zu Newnburg, darzu han ich vleizzig gepeten die zwen erbern mann, fridreichen den keydinger purger zu Newnburg vnd Seyfriden den Stechken, den Statschreiber doselbs - Der prief ist geben - Drewczehen hundert Jar, dar nach in dem Ains vnd Newnczigisten Jar in den phingst veyrtagen.

Source Fulltext: ZEIBIG, Klosterneuburg (=FRA II/28, Wien 1868) S. 61-62