Ich Niclas zu den zeiten Chapplan der ewigen Messe, die herr Dietreich der Vrbetsch , dem got genad, auf der Zwelfpoten Altar datz sand Stephan ze Wienn gewidmet vnd gestift hat, vergich - das ich - mit willen vnd gunst der vorgenanten meiner Messe lehenherren, des Erbern mannes hern Lienhartes des Vrbetschen, di zeit Statrichter ze Wien - abzelosen geben han den erbern geistleichen herren, Pruder Hainreichen zu den zeiten Prior Allerheiligen tal ze Mawrbach des ordens von Karthus vnd dem Convent gemain daselbens - Sechs phunt wienner phennig gelts purchrechts, die die egenant mein Mess gehabt hat auf irer Mu^el gelegen ze Mewrlinq zenechst dem dorf - vmb acht vnd virczig phunt wienner phennig. - Vnd wann ich - selber aigens Insigels nicht han, daruber so gib ich - In den brief - versigelten mit des obgenanten meins lehenherren insigel - vnd mit des erbern Dietreichs Insigel des Vrbetschen, seins vettern, vnd mit des erbern herren Insigil, hern Hannsen des Hu^ebner Chorherr ze pazzaw vnd zu den zeiten des hochwirdigen fursten hern Jorgen Bischoff daselbens ze Pazzaw Official in geistleichen sachen in Osterreich - Der geben ist ze wienn - drewczehen hundert Jar, darnach in dem sechs vnd newnczigisten Jar des nechsten freytags nach sand Pauls tag als er wechert ist.

Source Fulltext: ZEIBIG, Klosterneuburg (=FRA II/28, Wien 1868) S. 82-83