Wir Wilhalm vnd Albrecht vettern von gotes gnaden Herczogen ze Osterreich, ze Steyr, ze Kernden vnd ze Krain, Graven ze Tyrol etc. Bechennen, als vnser getrewr lieber Leupolt von Wehingen vnd Berchtolt sein bruder an ainen tail, vnd Michel der Tucz ze Newnburg klosterhalben an dem andern ettleiche Ire gu^eter vnd hab ainander habent gefu^egt vnd gemacht, als die Gemechtbrieff lautent, die daruber gegeben sind; daz wir zu demselben gemecht vnsern gunst vnd willen haben gegeben vnd geben auch wissentlich, Sunper wir bestetten auch das mit sampt den briefen die daruber lauttent, mit krafft dicz briefs, vnd maynen vnd wellen, daz es furbaz genzleich bei seinen krefften beleib vnd stet werd gehalten nach der egenanten Irr brief sag an gever. Mit vrchund dicz briefs. Geben ze Wienn an Mentag vor vnser frawn tag ze der liechtmezz - drewzehenhundert iar, darnach in dem Siben vnd Newnczigsten Jar. D. Duces per se presentibus dnis. Rud. d. Wa. Mar. plr. henr. de Wa. Reimperto et Vlrico de Wa. M. curie amborum ducum.

Source Fulltext: ZEIBIG, Klosterneuburg (=FRA II/28, Wien 1868) S. 89