Georius dei et apostolice sedis gracia Epus. Pataviensis, Dilecto in Christo fratri nostro Leonardo Schawr Canonico Ecclesie et Officiali Curie nostrarum ac decretorum doctori salutem et sinceram in domino caritatem. Religiosi viri Conventus Mon.Can.Reg. ord. s. Aug. in Newnburgaclaustrali nostre dyoc. nobis per dilectos in Christo Johannem dictum hippelstorfer Decanum nostrum super Wagrein ac Stephanum Herleinsperger Can. reg. Mon. predicti eorum in hac parte procuratores significare et exponere curaverunt, Quod dum nuper Mon. ipsorum per obitum bone memorie Petri quondam novissimi sui prepositi fuisset pastorali officio destitutum, dispendiis, que ex diuturnis Monasteriorum vacacionibus ipsis in spiritualibus et temporalibus sepius solent suboriri, quantum providencius poterant occurrere cupientes, ad electionem futuri prepositi sui cum dei timore et divini spiritus invocacione adhibitis solempnitatibus debitis et consuetis procedentes, religiosum virum Bartholomeum Decanum eiusdem Mon. in suum et sui Monasterii prepositum et prelatum per formam scrutinii canonice concorditer elegerunt, ac oblato nobis pro informacione electionis huiusmodi decreto electionis eiusdem nobis debita cum instancia supplicarunt, ut electionem ipsam dignaremur favorabiliter confirmare. Verum cum predicto Bartholomeo electo propter viarum discrimina et guerras in Austrie vigentes partibus grave et onerosum existeret nostro se abinde conspectui presentare, de tuarum itaque circumspectionis et legalitatis industria non immerito in dno. presumentes, dileccioni tue committimus, quatenus iuxta formam -. per Nos premisse decima die mensis Augusti proxime ventura ad Monasterium predictum personaliter accedens audias, si que contra electionem aut electionis formam per eos, qui sua putaverint interesse, opponuntur. Si vero nullus tunc apparuerit oppositor, aut pro suo interesse contradictor, servatis servandis, si inveneris dictam electionem de persona ydonea canonice fore celebratam, ipsam auctoritate nostra confirmes ac alia circa eandem electionem et ipsius occasione adhibitis solempnitatibus debitis et conswetis vice nostra facias, que qualitas negocii huiusmodi exigit et requirit. Super quibus tibi plenariam hac vice presentibus liberam in domino concedimus facultatem, Volentes, quod ipse electus post assecutam sue electionis confirmacionem nobis subiectionis et obediencie debitum et solitum prestet iuramentum. In quorum omnium et singulorum evidens testimonium et certitudinem pleniorem presentes litteras fieri et sigilli nostri appensione fecimus communiri. Dat. Patavie die tercia mensis Augusti Anno dni. Millmo. trecentesimo Nonagesimo Nono.

Source Fulltext: ZEIBIG, Klosterneuburg (=FRA II/28, Wien 1868) S. 100-101