In nomine domini. Amen. Anno a nativitate eiusdem Millesimo Trecentesimo Nonagesimo Nono Indic. septima, die vero XIX mensis Julii hora terciarum vel quasi, Pontificatus sanctissimi in Christo patris ac dni. nostri, dni. Bonifacii divina providencia pape noni anno decimo, in mei notarii publici, testiumque presencia subscriptorum personaliter constituti Honorabiles et Religiosi viri Martinus schenchk, Hadmarus Matsewer, Wolfhardus Werder, Johannes Wu^erfl, Vlricus de Chremsa, Michahel de lawchse, Thomas floczer, presbiteri, Cristanus Wîldekker et Gebhardus Seifridsdorfer dyaconi Canonici Regulares is. Aug. Mon. in Newnburga Pat. dyoc., bona et matura deliberacione, ut asserebant, prehabita, absque omni symoniaca aut quavis alia illicita paccione sponte libere et pure propter vtilitatem Monasterii predicti Electionem de venerabili et religioso patre Domino Bartholomeo decano et electo in prepositum dicti Monasterii per maiorem et saniorem partem Capituli die Jovis XVII mensis predicti concorditer aliasque rite et canonice celebratam ratificaverunt et vota sua votis aliorum suorum confratrum maiorem et saniorem partem capituli faciencium addiderunt et in predictum dominum Bartholomeum electum expresse consenserunt, et quilibet eorum specialiter et expresse huiusmodi electionem de eo factam ratificavit et votum suum votis maioris et sanioris partis capituli addidit et prefatum dominum Bartholomeum electum in prepositum nominavit et ei vt electo reverenciam et honorem prestitit et exhibuit. Super quibus omnibus et singulis prefati dni. Bartholomeus electus et supradicti vota sua in ipsum dirigentes requisiverunt me notarium publicum infrascriptum, ut sibi vnum vel plura publicum seu publica conficerem instrumentum seu instrumenta. Acta sunt hec in domo prepositure prefati monasterii in quodam comodo Anno Indic. mense, die, hora et Pontif. quibus supra. Presentibus ibidem Reverendo in xsto. patre ac domino, dno. Bertoldo Episcopo frisingensi, ac Venerabilibus viris dnis. Antonio preposito ecclesie omnium sanctorum alias s. Stephani in Wienna, Leonhardo schawr, decret. doctore, Offic. Curie patav., Johanne hispeldorfer decano et plebano ecclesie sancti Stephani super Wagrain, Eberhardo de Knoringen, licenciato in decretis, et Johanne dicto Sefner, Bacc. in eisdem, presb. patav. et Salczburg. dioc. testibus ad premissa vocatis specialiter et rogatis.||
Et ego Johannes Sinderami de heiligenstad, Clericus Magunt. dioc. etc.

Source Fulltext: ZEIBIG, Klosterneuburg (=FRA II/28, Wien 1868) S. 99-100