Wir Wilhalm von gotes gnaden herczog ze Osterreich, ze Steyr, ze Kernden vnd ze Krain, Graf ze Tyrol etc. Bekennen, daz wir vnserm getrewn Seyfriden dem Riczendorffer, vnserm kamrer von sundern gnaden gegeben haben, vnd geben auch wissentlich mit dem brief den hof gelegen zum hofe, den wir von vnserm getrewn Jo^ergen dem Dienstlein haben gekauft vnd die kriegaw bey Newnburg chlosterhalben gelegen. Also, daz derselb Riczendorffer vnd sein erben den egenanten hof vnd die kriegaw mit irn zugehorungen nu furbass ynnhaben, nuczen vnd niessen sulln vnd auch allen iren frumen damit schaffen mit verseczen vnd verkauffen, oder wie in das aller pest fu^egt als mit anderm irem aygen gut vnd als solicher gab vnd landes recht ist. Mit Vrkund dicz briefs. Geben zu Wienn am Eritag nach dem Suntag als man singet Reminiscere in der Vasten vnder vnserm klainen Insigel - vierczehen hundert Jar. D. D. p. Schewrbekch. In.

Source Fulltext: ZEIBIG, Klosterneuburg (=FRA II/28, Wien 1868) S. 103