In nomine sancte et indiuidue trinitatis. Arnolfus diuina ordinante clementia rex. Si sacerdotum dei precatibus presertim eorum, qui nunquam nostro defuere obsequio, assensum prebemus, non solum regalem morem decenter implemus, uerum etiam ardentiores ab hoc nunquam cessare efficimus. Qua propter nouerit omnium fidelium nostrorum presentium scilicet afque futurorum sollertia, quia nos Snelperoni uenerabili abbati nostro pro eternitatis gaudiis acquirendis grateque seruitutis sue meritis quasdam res proprietatis nostre in proprium concessimus, Hoc est tres Hobas Dominicales iuxta riuum Scalaha in comitatuArbonis, quas prius duo Sclaui Wartman et Saxo nuncupati tenuerunt, cum omnibus ad eas iuste pertinentibus, terris cultis et incultis, agris, pratis, campis, pascuis, siluis, aquis aquarumue decursibus, uineis, uiis et inuiis, egressibus et regressibus, mobilibus et immobilibus et iussimus eidem Snelperoni hoc nostre regalitatis inde fieri preceptum, per quod uolumus firmiterque iubemus, ut in omnibus, que illi in potestatem tradidimus, liberam habeat potestatem habendi, donandi, uendendi, conmittandi (conmutandi) uel quodcunque ex hiis elegerit agendurn absque alicuius contradicentis obstaculo. Et ut hec donationis nostre auctoritas pleniorem in dei nomine stabilitatem optineat, manu propria eam firmauimus anulique nostri impressione sigillari iussimus.||
Signum domini Arnolfi inuictissimi regis. (Monogramma.) Aspertus Cancellarius ad uicem Theotmari Archicapellani recognoui. Data Kalendas Aprilis anno domini incarnationis dccc LXXXVIII. Indictione VI.a anno arnolfi regis I. Actum ad monasterium sancti Floriani martyris Christi feliciter. Amen.

Source Fulltext: OÖUB 2 (Wien 1856) S. 31-32