Ich V^elreich von weidenholtz tůn allen den chunt, di disen prief ansehent, daz ich han gegeben dem goteshause ze Chremsmunster daz aigen an dem Puhel vnd anderiu erb, di ich han gehabt da ze Půchchirchen in dem dorf, zu einem widerwechsel vmme den hof da ze Raeut, vnd schal des aigenz sein giwer sein, vnd swaz dem goteshause daran abget, daz schullen si haben auf mir vnd auf allen dem, daz ich han, vnd auf meinen Průdern Marchharten vnd Diethern vnd auf andern meinen erben. Daz daz staet belaeibe, darvmme gibet mein herre her hainreich von schawenberch sein insigel ze zeug an disen prief vnd her waeichhart von Pollenhaim auch ze zeug mit seinem Insigel. Dez ist zeug her Seibrant von geltingen vnd her Růdolf der Schifer vnd her herman von Egendorf vnd V°lreich der Rot vnd Reichher von edelspach vnd v°lreich von geltingen vnd wernhart der amman vnd Chůnrat sein aidem vnde ander, di dapaei sint gewesen. Der prief ist gegeben nach christes gebůrt am dem tausentisten iar vnd an dem zwaihundertisten vnd an dem neunzkisten vnd ain iar.

Source Fulltext: OÖUB 4 (Wien 1867) S. 165-166, Nr. 179