Rudolfus dei gratia Romanorum Rex semper augustus Vniuersis Imperii Romani fidelibus presentes litteras inspecturis imperpetuum. Venientes ad nostre Magestatis presenciam Honorabiles et Religiosi uiri ... abbas et Conuentus Monasterii de Lambach nobis humiliter supplicarunt, ut Priuilegium Friderici clare memorie austrie et Stirie Ducis ipsis indultum confirmare de benignitate Regia dignaremur, Cuius Priuilegii talis est tenor. In nomine sancte et indiuidue trinitatis. Fridericus dei gratia Dux austrie et stirie imperpetuum. Quoniam nobis cedit, etc. (Hier folgt die Urkunde vom 26. September 1232.) Nos itaque predictorum abbatis et Conuentus de Lambach humilibus precibus inclinati predicta omnia et singula, prout ipsis rite et rationabiliter sunt concessa, de benignitate Regia confirmamus, innouamus et presentis scripti patrocinio conmunimus. Nulli ergo omnino hominum liceat hanc nostre confirmationis paginam infringere aut ei in aliquo contraire. Quod qui fecerit, grauem nostre Magestatis offensam se nouerit incurrisse. Testes sunt hii: venerabilis F. salzburgensis Archiepiscopus, P. Pattauiensis, Leo Ratisponensis, W. Seccouiensis, C. Frisingensis, Th. Gurcensis, G. Lauentinus et J. Kymensis Episcopi et alii quam plures. In cuius testimonium presens scriptum magestatis nostre Sigillo inssimus conmuniri. Datum wienne III. Nonas Aprilis, Indictione quinta, Anno domini M. CC. L. XXVII. Regni uero nostri Anno Quarto.

Source Fulltext: OÖUB 3 (Wien 1862) S. 463-464, Nr. 503