FRidericus dei gratia Romanorum Rex semper Augustus Vninersis Sacri Romani Imperii fidelibus presentes Litteras inspecturis gratiam suam et omne bonum. Venientes ad nostre maiestatis presentiam Honorabiles et Religiosi viri ... Abbas et Conuentus Monasterij in Lambach deuoti nostri dilecti nobis humiliter supplicarunt, vt Priuilegia a diue recordationis Imperatoribus et Romanorum Regibus predecessoribus nostris ac etiam Ducibus Austrie ipsis tradita et indulta de benignitate Regia approbare, ratificare et confirmare dignaremur. Nos vero, cum Personas Religiosas et loca deo dicata in suis juribus, libertatibus et gratiis fouere et defendere ex iniuncto nobis diuinitus Officio teneamur, predictorum ... Abbatis et Conuentus Monasterij memorati deuotis precibus fauorabiliter inclinati omnia Priuilegia, jura, libertates et gracias ipsis a predictis Imperatoribus et Regibus Romanorum ac Ducibus Austrie indulta, tradita et concessa, vt in celebis vite flagrantia feruentius accendantur quodque diuinis laudibus liberalius et conmodius vacare valeant, de plenitudine potestatis Regie approbamus, ratificamus et presentis scripti patrocinio confirmamus. Nulli ergo omnino hominum liceat, hanc nostre approbationis, ratificationis et confirmationis paginam infringere aut ei ausu temerario contraire. Quod qui facere presumpserit, nostre indignationis grauem offensam se nouerit incursurum. Datum in welsa V°. kalendas Nouembris Anno domini Millesimo Trecentesimo, Vicesimoprimo, Regni vero nostri Anno Septimo.

Source Fulltext: OÖUB 5 (Wien 1868) S. 303, Nr. 313