Ich Chu^onrat der Aygna^er und ich Margret des vorgenanten Chu^onrats ha^ousvru^o veriehent und tu^enn chund offenlichen an disem prief allen den di in sehent oder ho^erent lesen, di nu sind oder noch chunftich werdent, daz uns und allen unsern erben di wi^er iezund haben oder noch chunftichlichen gewinnen unser gena^ediger herr her Greiff, der ersam abbt ze Lambach und di gantz samung des selben chlosters mit guetlichem willen und mit wolbedachtem muet verlihen habent ze rechtem erb di ped ho^eff in der Aw^o mit allem dem daz zu den peden ho^even geho^ert, iz sei zeholtz oder ze veld versuecht oder unversuecht, swi daz genant ist, also mit so^elicher beschaidenhait, daz wi^er alle jar von den vorgenanten ho^even dem e genanten gotshau^os dienen schullen an sand Mychelstag zwai pfunt newer Wienner pfenning, und an sand Go^erigen tag zwai pfunt pfenning Wienner mu^enzz. Wa^er awer daz, daz wi^er oder unser erben ze den vorgenanten ta^egen di e benanten pfenning niht ga^eben oder dienten, so schullen in drin vierzehen tagen sechs schilling pfenning ze wandel auf di offtgenanten pfenning gen. G^eaben awer wi^er oder unser erben den e genanten zins mit samt den wandel niht des n^eachsten tags, swann di drei vierzehentag ein end habent, so schullen sich di vorgenanten ped ho^eff in der A^ow dem e genanten gotsha^ous vervallen haben und schol ir ledigz guet sein von uns und von unsern erben an allen chrieg und an alleu ansprach und schullen nichtesniht da mit ze schaffen haben. Und daz di red und di gelu^ob sta^et und unverchert dem ersamen vorgenanten abbt und der samung des ersamen gotshau^os ze Lambach ewichlichen beleib, dar uber geben wi^er in ze einem vesten u^erchund und zu einer ewigen besta^etigung disen gegenburtigen prief versigelten mit unser gena^ediger hern anhangunden insigel versigelt hern Ha^ertneits von Tr^oaun und hern Wernhers von Polnhaim, wand wi^er selben niht aygens insigels haben, und sind des gezeug: her A^eschpein von Ebelperch, her Ch^ounrat der Hatzmuzel, her Alber der Portzhaimer, her Ditmar von Aystershaim, Heinrich der Viechter, Alber der Gusner, Hadmar der Hiert, Magens und Eberhard von Widemspach, und ander piderber la^eut genueg. Diser prief ist gegeben ze Lambach du von Christes gepuerd waren ergangen dreuzehundert jar, dar nach in dem zwai und zwainzigistem jar an unser vru^on tag ze der Liechtmess.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 188f, Nr. 172