Wir Albrecht vnd Heinrich von gotes gnaden Hertzoge ze Osterreich vnd ze Styre Enbieten vnsern getrewen lieben dem Richter vnd gemeinchlich den Burgern ze Chrems vnd ze Steyn vnser gnad vnd allez guet. Wand wir den Geistlichen Lu^eten von Lambach die gnad getan haben, daz si von irem Hof, den si habent ze Chrems, Alle iar niht mer ze Stewer geben sollen, danne ein March Silbers, Davon gebieten wir ev vnd wellen ez auch bei vnsern hulden, daz ir sev furbaz niht no^etet wider die genad, die wir in getan haben, des wellen wir niht enbern; têt ir das niht, So tet ir wider vnser hulde. Der brief ist geben ze Wienne des Samztags vor sand Oswalds tag.

Source Fulltext: OÖUB 5 (Wien 1868) S. 463-464, Nr. 466