Wir Rueger, Jans und Gundakcher von Storchenwerch veriehen und tuen chund allen den, di disen prief sehent oder lesen horent, daz wir mit guetem wiln di manschafft an dem guet ze Laimperg auf haben gegeben ledichleich dem ersam herren hern Greyffen apt ze Lambach und dem goczhaus da selben uns zu einem selgraet, und dar um daz furbaz ieman daz e gnant goczhaus um di manschaufft, di wir im gegeben haben, beswarn oder gelaidigen mug. Dar uber geben wir in disen prief zu einem urchund versigelten mit unsern anhangunden insigeln. Der prief ist gegeben ze Wels du man zalt von Christes gepund tausent jar dreu hundert jar dar nach in dem siben und zwainzigistem jar an sand Niclos tag.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 213f, Nr. 193