Ich Chunrat des Teurbonger vergich und tuen chund allen den di disen prief sehent oder lesen horent, daz mir mein gnaediger herr apt Greyff ze Lambach verlihen hat ze rechtem erib recht und allen meinen eriben ein hofstat ze Chirichaim, di ich gechaufft han von Chuenraten Schuestlein auf solich beschaidenhait, daz ich oder mein eriben dem e gnanten goczhaus alle jar an unser vrowen tag zter dien zeit geben schullen vier pfenning Wienner munzz und verpinden wir uns, dez ich und mein eriben, daz wir di geben schullen all di weil und wir di hofstat inn haben an allen chrieg, und gib auch ich disen prief zu einem urchund versigelten mit meinen insigel und sind gezeug her Otakcher von Egenperig, Hainrich der Viechter, Alber der Gusner, Hadmar der Hiert, Ulreich der Amman. Der prief ist gegeben, du man zalt von Christes gepurd tausent jar dreu hundert jar darnach in dem ainsundreizigistem jar ze Liecht mezz.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 223, Nr. 202