Wir Albrecht von gotes gnaden Bischof ze Pazzow veriehen offenleich mit dem Brief, daz wir dem beschaiden Marcharten Ru^ernmunt, Agnesen seiner Hausfrown vnd iren Erben, die si miteinander habent vnd noch mit einander gewinnent, Svnen vnd To^echtern, recht vnd redleich verlihen haben den Czehenden, den Manigolt auf dem Travnveld von vns vnd vnserm Gotshaus tze lehen het vnd gelegen ist Halber in dem Dorff tze Steinsultz vnd tze Chalhofen auf drin Ho^efen vnd tze Dorf auf aynem vnd auch anderswa, als in der vorgnant Manigolt, von dem er in recht vnd redlich gechaufft hat, von vns vnd vnserm Qptshaus gehabt hat. Vnd dar vber tze vrchund geben wir disen Brief versigelten mit vnserm anhangunden jnsigel. Der ist geben tze Ebefoperch an sand Margreten tag nach Christes gebu^erd Dreutzehenhundert jar, Darnach in dem vier vnd Dreizzigisten jar.

Source Fulltext: OÖUB 6 (Wien 1872) S. 130f., Nr. 122