Ich Hadmar der Hiert vergich offenbar an disem Brief, daz ich mit wolbedachtem mu^et vnd mit gu^etleichem willen vnd mit meiner Erben willen vnd wart div zwelif pfunt pfenning, div mier Chu^enrat der Wiltperiger vnd sein Hausvrowe vrawe Agnes gegeben habent auf dem Lechen datz Schretental, dem Convent ze Lambach gegeben han in ier Oblay vnd allez daz recht, daz ich vnd mein Erben dar an haben gehabt vnd daz in daz stet, gantz vnd vnzebrochen beleib, dar vber gib ich den egenanten herren des vorgenanten Convents disen prief versigelt mit meinem anhangundem jnsigel. Der Brief ist gegeben, do von Christ gepurt ergangen warn Tausent jar, Drevhundert jar, Darnach in dem Viertzigisten jar an Sand Georgen Tag.

Source Fulltext: OÖUB 6 (Wien 1872) S. 327, Nr. 321