Ich Vlreich von Tann vergich offenbar mit disem Prief daz mich div Erbern herren Abpt Jans vnd der Convent ze Lambach begnadet habent mit ainem werd der leit ze Weichselpaum, den siv mir gemainichleich habent geliehen mir ze meinen tagen. Also wann ich nicht enpin, so schullen mein erben nichtesnicht dar an haben vnd schol dem egenanten gotshaus ledich sein an allen chrieg. Daz in und dem Gotshaws daz stet gantz vnd vnzebrochen beleib, dar vber gib ich vorgenanter Vlreich disen Prief versigelten mit meinem anchangundem jnsigel vnd ist daz geschehen, do von Christs gepu^ert ergangen waren Tausend jar drev hundert jar dar nach in dem dre und viertzikisten jar an sand Andres tag des heiligen zwelif Poten.

Source Fulltext: OÖUB 6 (Wien 1872) S. 647f., Nr. 92 (Anhang)