Wir Chunrad von Gotes gnaden Abpt ze Lambach veriechn offenbar mit disem brief, daz für vns chomen ist Magens von Harnarn vnd hat mit aller seiner erbn gutleichen willn vnd wart daz lechen datze Verfing, daz da leit oben bay dem Gütern gesetzet (hat!) ze ainem rechten satze mit vnserr hant vnd mit all der stet, div durch recht dor zue gehort, Chunraden von Purkchartzperig vnd seiner hausvrow Chunigunden vnd alln iren erbn vmb acht phunt alter wienner pfenning, also beschaidenlich daz man vnserm gotzhaus jerichlich da von dienen schol dreizzig wienner pfenning an vnser Vrowen tag zeder dienzeit vnd nicht mer. Vnd schol auch div recht lo^eszeit sein jerichlich von sand Merteins tag vntz an den Prechemtag, wann er in der zeit gelosen mag oder sein erben, des schol man siv nicht irren. Doz in daz stet gantz vnd vnzebrochn beleib, dar vber geben wir in disen brief versigelten mit vnserm anhangunden jnsigel, wand daz gut von vnserm gotzhaus recht erib ist. Datum anno domini M°. CCC°. XLVII0 in die sancti Georij.

Source Fulltext: OÖUB 7 (Wien 1876) S. 14f., Nr. 14