Ich Alber der Rueshaimer vnd mein hausfraw fraw Jewth vnd vnser erben vnd ich Rulant der Rueshaimer wir veriehen offenlich - - daz wir mit woluerdachten mut - ze kauffen haben gegeben recht vnd redleich dem erbern mann Dytreichen dem Amman, purger ze Wels, vnd seiner hausfraw frawn Margrethen vnd iren erben vnsern hoff der genant ist der Chlehoff gelegen oberhalben Marichtrenck vnd die Swartzmül, di da pey gelegen ist vnd vnser recht erib ist gewesen von dem gotshaws ze Lambach, mit alle dew vnd dar zu gehort . . . mit herrn hant . . vmb ain gut des wir gantz vnd gar verricht vnd gewert von in sein - - . Das in das also stät vnd vnuerchert von vns beleib, dar uber geben wir in den offen brieff - - versigelten mit vnsern anhangunden insigeln Albers vnd Rulantz der Rueshaimer - - vnd zu'ainer pessern sicherhait mit vnsers vettern anhangunden insigel Mathes des Rueshaimer. Der brief ist geben ... drewtzenhundert jar darnach in dem newn vnd virczigsten jar des nachsten mitichens vor sand Michelstag.

Source Fulltext: OÖUB 7 (Wien 1876) S. 136, Nr. 137