Wir Gotfrid von Gotes gnaden bischof ze Pazzawe bechennen offenlich mit dem brif, daz wir geaygent haben vnd auch aigen mit dem brif das perchrecht vnd den zehent in dem Wolffspach daz von vns vnd vnserm gotshaus lehen ist der chirichen ze Zaizzenmavr auf vnsrer hofmarich vnd daz der pfarrer daselbs Georius dar zu^e gechaufft hat als sein chaufbrif sagt den er darv^eber hat, und haben auch daz vorbenant perchrecht vnd den zehent geaygent also, daz ez ewichlich fu^erbaz beleib bei der egenanten chirichen ze Zaizzenmawr als ander aigen daz si hat. Auch bestatten wir den chauf als wir ze recht sullen. Mit vrchu^end des brifs, der geben ist ze Pazzaw an montag in den osterveirtagen dreutzehen hundert jar darnach in dem sechtzkisten jar.

Source Fulltext: OÖUB 7 (Wien 1876) S. 691, Nr. 683