Ich Magnst der Pu^echner und Chlar mein hawsfraw und unser peder erben vergehen, daz wir geseczt haben di zway gu^et genant auf der Leitn, gelegen in Warperger pfarr pei Nu^espach, und lehen ist von hern Haugen dem Valkchenstainer von Gru^enburkch, Ortolfen dem Paussl und allen sein erben fu^er zehen phunt phenning wienner mu^enzz der wir von in gantz und gar verricht und gewert sein; und schol all jar jaerleich losung sein acht tag vor sand Go^erigen oder hin nach acht tag, wer aver daz daz der losung nicht geschach oder vertzogen wurd, so schol der satz hin wider ze jar sten. Und ob daz wer daz der vorgenant Ortoff der Paussl und all sein erben des satz nicht lenger woltn in haben oder des geltz nicht enpern mocht, so schol er uns den satz anpietn ze losen virtzehen tag vor sand Gorigen tag. wer aver daz wir nicht losen woltn, so schol er den satz versetzen oder verchauffen und seins geltz da von wecho^emen als er nachst mag mit unserm gu^etleichen willen. Und daz daz alles also staet und untzehrochen weleib von mir vorgenant Magnstn dem Pu^echner, daru^eber gib ich dem vorgenanten Ortolfen dem Paussl und allen seinen erben den offen prief versigelt mit meinem anhangunden insigel. Und ze einer pessern zeugnu^ezz und sicherhait mit des erbern man Seybotz dez Sintzendorfer anhangu^endem insigel im an schadn. Der prief ist geben do man zalt von Christes gepu^ert dreutzehen hundert jar darnach im fu^emf und sechtzgistem jar des suntags vor sand Merteins tag.

Source Fulltext: OÖUB 8 (Wien 1883) S. 251f., Nr. 250