Dem erwirdigen und geistlichen herrn, herrn Ulrichen abbt zu Lambach unnserm gnädigen herrn. embewtten euch auf die vorverschribenen erben so eure gnad ingeschrift hat ich Wolfgang des Hannsen von Hasslaw und ich Elsbet seinew gesswistret und ich UIreich und ich Margreth des Jörgen Tretter zu Herengassstaig seligen kinder unnser undertenig willig diennst, wir fuegen ewren gnaden zw wissen, das wir uns mit sambt andern erben so ewre gnad auch ingeschrift hat in ainen brieff oder bedtzetl, das wir uns obgenante gegen den Wolfgang des Hannsen Lakmair von Marichschalich sun unnserm lieben vetter und allen seinen gesswisträten und allen iren erben lembtigen und künftigen auf ain ewiges ennde geaint und verzigen haben, unnser muetterliches erbtail und aller unnser gerechtigkait so wir bei in muetterlichen erben und geleichen tail gehabt haben auff dem gut in Weinholtz gelegen in Gaspeltshoffer phar das dann ettwas ewren gnaden gotshawss und ewre gnaden dienstper ist, darumben habent sew uns zu verttigung geben und aufgericht ain suma phening der wir bezalt und aussgericht sein und der uns ytzo und füran wolbenuegt, darumben biten wir ewre gnad mit undertenigen willen, ewre gnad wolle die verzeichung und verttigung under ewren gnaden sigl anhangunden bestättung tun, so das heschiecht so wollen wir wider das alles itzo und hinfür wir noch all unnser erben und mit (erben) wie die mit namen genant under schriben sint oder genant werden ewigklich nymermer nichts zu reden in dhainerlei weg ungeverlich, mit urkundt des brieffs mit des erbern Niklasen ambtschreiber der herschafft Fraunkenburg für gedruckten bedschaft in und seinen erben an schaden. der gebet umb das beschadt sindt zeugen Hanns Mertzinger zu den Mertzingern Michl Klinger von? (lacuna in der Urkunde) und Lucas Griesser ..aubtman (? lacuna) des Rotentaler diener. Geben und beschenen an sand Johannes und sand Pawls tag anno domini etc. Ixviiij

Source Fulltext: OÖUB 8 (Wien 1883) S. 421f., Nr. 427