Wir Ülreich von gots gnaden Ajpt ze Lambach, vnd der gancz Conuent da selben, veriehen offenlich mit dem Pri^eff vnd tun chund allen den de yn sehent hornt oder lesent, daz wir mit wolbedachtem mu^ete vnd veraintem ratew (!) verlihen haben czu^e ainem rechten erib den akcher an dem Rewt, bey der Ebersevl. Leben ab der Eberseullen, seiner hawsfrown Angnesen vnd ir payder erben, mit allen den nüczen, rechten, dy dar czu gehornt, wi dew genant sein, versu^echt oder vnuersu^echt, den sey chawft haben von den rechten erben vmb ain gelt. des sey cze rechten taegen gancz vnd gar gericht vnd gewert sein, Mit der beschaiden, das sey allew iar jaerleich raichen vnd di^enen schullen von dem egnanten Akcher. in vnser Oblay cze Lambach czehen newe wyenner phenning an sand Michaels tag, [von] dem czehent, der auf dem Akcher leit vnd nicht mer, vnuerczigen vnsers goczhaws rechten in [allen Sachen]. Dar v^eber geb wir in den pri^eff versigelten mit vnser vnd vnsers Conuents anhangunden Jnsig[eln. Der geben ist] nach Christi gepurd drewczehen hundert iar dar nach in dem newn vnd Süben[czgisten Jar. an des He]iligen hern Sand Gu^ergentag.

Source Fulltext: OÖUB 9 (Wien 1906) S. 616