Wi^er Vlreich von gots gnaden ajpt cze Lambach verge/ohen offenlich mit dem priff vnd tu^en chund, das für vns chomen ist, Chu^enrad der Genschragen, sein hausfrow vnd haben versaczt czu^e ainem rechten Sacz mit herren hant vnd mit aller staet vnd mit aller ir eriben gu^etlichen willen vnd wart vnd besunderlich mit gu^etlichen willen vnd wart Weykharden von Wynchel seiner hausfrown vnd aller i^err erben, i^er halbs gu^et im Wynchel gelegen in Chirchaimer pharr, daz im sein hausfrow pracht hat vnd daz ir rechts erib gwesen ist, Hansen von Wynchel, seiner hausfrown vnd allen iren eriben, vmb fvniff vnd czwanczig phunt wyenner phenning der si gancz vnd gar cze rechten tagen gericht vnd gwaert sein, Mit allen den nu^eczen, rechten vnd eren, di dar czu^e gehoren cze holcz, ze veld, versu^echt oder vnuersu^echt oder wi^e dew gnant sein, mit der beschaiden, daz man vns vnd vnserm goczhaws, da von es i^er erib ist iaerlichen raichen vnd di^enen schu^elen czu vnser frown tag czer dinst czeit dreysig new wyenner phenning, czway hu^ener, an dem Prehen tage cze pawstewr dreysig wyenner phenning, ain vaschang.(!) ain vaschang hu^en, vnd an sand Gergen Tage achttewhaiben wyenner phenning cze voytstewr vnd nicht mer, vnuerczigen vnsers goczhaws rechten in allen sachen. Wi^er offen auch, waer pesser erib wil sein, czu^e dem egnanten halben gu^et im wynchel, der mag iaerlich losen vmb dew egnanten fvmf vnd czwanczig phunt virczehen tage vor vnser frawn tage der lichtmess oder virczehen tage, hin nach vnd in chainem tage mer in dem iar. Dar vber bestaet wir in den pri^eff versigelten mit vnserm anhangunden Jnsigel, der geben ist nach Christi gepurd drewczehen hundert iar dar nach in dem Achczigesten iar an dem Svntage cze mittervasten.

Source Fulltext: OÖUB 9 (Wien 1906) S. 809-810