Ich U^ellein Chuersner, ich A^enderl Chuersner sein sun, ich Symon Pretsche^alich, ich Chunrad Pawr, ich U^ellein Florianer und ich der lang Peter, Otteins sun yetz alle ze Chrems gesessen, wir vergehen und tu^en chund offenleich mit dem brief allen, den er fu^erpracht wird, das uns der ernwirdig geistleich herr abpt Symon des gotzhaus ze Lambach und der gantz convent daselbs mit wolbedachtem muet und veraintem rat und gueten willen gelazzen habent i^ers gotzhaus weingarten ze rechtem leibgeding, der sechs jeuch sind, gelegen nach einander ze Krems am Galgenperig und sind genant: dy^e Schoss, die Hinderstellen, im Grunt und die Scheiben und der Galing weingartn in der maynung, das wir dy^e obgenanten weingarten zu unsers vorgenanten sechs leiben und lebte^agen in nutz und in gewer innehaben nu^etzen und nyessen schullen und nicht lenger, und in den rechten als hye wenant sind, das wir dy^e pawleich verwesen und inne haben schullen mit guetem mittern weingartpaw, mit misten, mit grueben, mit stekchen als vil des alles notdu^erft ist und besunderleich al jar vierstund hawn und auch sust mit allerley aribait als zu weingart gehoert und als sit nu^etzleich und gewonleich ist, und der mit willen gar nichts vercziehen, dew den weingarten nu^etz ist und schullen dy selben obgenanten weingarten ge^enczleich freyhaben dye nägsten zway weinlesen, ausgenomen des zehents und dann fu^erbas all jar, die weil wir leben, schullen wir dem obgenanten goczhaws ze Lambach da von geben und raychen den vierden emmer most in irr press aus dem grantt an all i^er mue und dar tzu^e unsern tail vertrehenten als recht ist, und schullen wir nicht lesen an y^eren willen und wissen, das i^er hofmaister i^ers hofs ze Krems, wer der ist, da pey sey oder sein anbalt, und schullen den maischs fueren in i^er press irs obgenanten hofs und nyndert anderswohin angeve^ar; wer aber, das wir nicht rechtleich pawten als recht und oben benant ist, das mag man wolbeschawn mit nachpawren und weingartlewten, dy^e dar tzu^e chunnen wann man wil oder mag im jar oder zu yeder arbait, und was dew oder i^er hofmaister derchanten angever, das in den weingarten versaumpt wer, daruber habent sew freye wal und recht unser vorgenanten ainen igleichen mit seinem tail wer nicht rechtleich gepawt hyet in der press aus dem grantt ze pfenden und ze notten an alles recht und widerred so verr, so lang und so oft untz sew i^err sche^eden gentzleich betzalt sein, das ist alles mit unserm guetleichen willen und gu^enstleicher maynung und welcher under uns des wolt wider sein, dan schol mon puessen als vor benant ist, und schol dannoch ze stet von allen seinen rechten des obgenanten weingarten geschaiden sein an all genad und widerred. Es schullen auch dy^e obgenanten weingarten erben von ainem auf den andern untz an den lesten leib, und der mit dem tod abget so sind in dy^e obgenanten i^er weingarten irem gotzhaus zestet ledig werden und gevallen an all unser erben und frewnden irrung und widerred und schullen allen iren frumen da mit ze schaffen wye sew verlust, es we^er dann, das er nit der vasten arbait dar in chomen wer, so schullen dann sein nagst erben und frewnt fu^er sich pawn untz auf das nagst weinlesen, darnach in den rechten als vor benant ist, und dann nach dem selben weinlesen ze stet davon treten an all irrung und widerred als vor geschriben ist. Wi^er mugen auch unsrew recht an den obgenanten weingarten wolverchumern mit verchauffen oder verseczen, doch christen und nicht juden, und mit i^ers hofmaisters handen gu^enst und guetem willen und geleichen lewten, dew in als nutz daz zu sein als wir^a) oder pesser und schol der chauffer geben tzwen Wyenner phenning ze anlait und der hingeber als vil ze ablait. Das der handel und dy^b) sach furbaz also gantz stet und untzebrachen beleib, des geben wir dem obgenanten gotzhaws ze Lambach daruber ze urchu^end den offen brieff, versigelt und beste^et mit des erbern und beschaiden Leonharten von Gevell, yecz richter payder ste^et Chrems und Stain und auch yecz veldrichter innerhalb des Champs anhangundem insigel durich unser vleissigen gepet willen y^em an schaden, wann wi^er vorgenant sechs leib insigel nicht enhaben, darunder wi^er uns verpinden mit unsern trewn angever stet ze haben alles das oben an dem brieff geschriben stet: darczu^e haben wir gepeten den erbern und beschaiden Mertein den Egenwu^erger, yetz ainer des ratz ze Chrems, umb sein anhangunden insigel zu geczeug der obgeschriben sach y^em und sein erben an schaden. Der brieff ist geben nach Christi gepu^erd viertzehenhundert jar dar nach in dem dritten jare an sand Mathyas tag des heyligen tzwelifpoten.12

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 520-522, Nr. 437